AIW030: Sifac: Fahkack Ma Koluk Lasr by Salik Talley

July 7th, 2016

Alu In Wednesday online suc ma kolyuck sel Salik Talley

Wednesday July 6 2016
Sifac: Fahkack Ma Koluk Lasr
Mwe Read: Psalm 38:17-22

Sam 38: 17 - 22 Sifwa: Fwakwack ma Koluk Lasr - Pusren sam soko inge akkalemye pang a tung lal David nu sin God ke ma koluk el orala, panang el akkalemye la e arla upa sie mwet in mislakin ke pal met u suk in akkolukye kais sie sie, akkalemye la upa sel in nunku ke pal ma inge sik u, tusruk kut tia enenu in suk folokinya. Panang fwakak kalem sel David la el finne orala ma koluk, el enenu in lalalfongi God sefanna ma ase moul, meyen el mukena pa finsrak lasr nuke moul. El oayapa akkalemye la Jesus el misla na ke nununkeyuk El, El sang ma nukewa nu sin God (1Pet 2:21-24); pa ingan an se ma fwal kut in filiya enenu lasr we u. Ke verses 15 - 22, "David el fwakak ma koluk lal ma el orala nu sin Leum God, panang el akyokye in verses 18-19 la yok fosrnga lal ke ma koluk el orala, pukantwen met srungal a laenul. tusruktu, oana ke fwakak ma kalem ingan, ma nukewa el sang nu sin God. Kaksakin God ke mwe lutlut na wo ma sik fal nuke pal u a in akkeye kut kais sie. Tu paye la misenge, kut asr ke weh in akkoluk mukena a upa na kut in orala srui a kaksak lasr ke mwet pal elos putatyang nuke ma upa. Fwal nu sik in wi lutlut kin a in akkeyeyu sifwana. Kulo ke KAS wolana. GB [FB Posting by Dcns. Havely Tosie]

00:0000:00

AIW029: Sifac - Ahlohloh Lain Luhlahlfongi by Surleigh Tara

July 1st, 2016

Alu in Wednesday online suc ma kolyuck sel Surleigh Tara.

Wednesday June 29 2016
Sifac: Ahlohloh Lain Luhlahlfongi
Mwe Read: 2 Corinth 4:1-6
00:0000:00

AIW0028: Sifac: Ahkos God 06.15.2016 by Surleigh Tara

June 17th, 2016

Alu in Wednesday suc ma kolyuck sel Surleigh Tara
Sifac: Ahkos God
Mwe Read: Hebrews 11:7-12

Pacl nukewa ma kut fin readi ke book lun Hebrews, kut enenu in nunku ke ip lun lulalfongi.  Book se inge sramsram yohk na ke lulalfongi nusin God Kulana. Pus mwet ke Bible natusr ma simla nusesr kut in wi lutlut ke kain in lulalfongi lalos. Mwet se meet an pa Noah suc ma God El fwak nusel in musahela soko oak fin finoal soko. Na kut fin motko lac pacl se inge wangin mwet uh liyacl Noah mu el oana mwet wel se ke sripen sap soko lun God nusel inge. Tusruktuh, kut kalem kac lac ke sripen akosten lal, pacnacang el ac sou lal pa moullac ke sronot lulap sac. 
 
Arulana pus pac mwet ke Bible natusr suc ma elos akkalemye lulalfongi yohk lalos.  Ma inge simla yohk nusesr in wi lutlut pac kac. Lac ke acn ma kut oasr, kut in liksreni na orekama lulalfongi lasr uh nuke ma God El pangon kut nuke. Pang lal God nusesr uh tia pang oacyac. Mwet uh fin ngetngetkin mu sufwal nuke akwuck lalos, tusruktuh akwuck lun mwet uh sufallac nuke akwuck kut kolyuck lun God.  

Efin wangin lulalfongi, kut e tia na ku in akilen lung kulang ku mwe insewowo sin God mwe.  Kut enenu in suk God meet kut in muh wi akyokye lulalfongi lasr nuke akwuck lun God. Kut fin fwas ke akwuck lun mwet uh, tia pa nge lulalfongi uh. Meyen ma mwetuh akiyac uh, kut ku in akilen ku liye ke mutasr.  Akwuck lun God uh enen in fwasr fwal nuke ma sumusla ke Bible Mutal natusr uh. Inkaiyen akwuck in kut e tia ku in liye ke mutasr sifena. Kut enenu in sisal pacl yohk in prue meet liki read ma sumusla na in fulellah nusin Ngun Mutal in kuh in ikucs nusesr ma lukma ke kahs lun God. Pa inge yohk sripac in akyohkye ke lulalfongi lasr ke akwuck lun God.
00:0000:00

AIW0027: Sifac: Sie Len In inseselac by Mina Kan

June 2nd, 2016

Alu in Wednesday suc kolyuck sel Nac Mina Kan.

Sifwil kaksakin God Fulatlana ke kolyuk Lal nu sesr, a mwe akinsewowo puspus ma El tia tui in kasrekut ka…Mwe read u akkalemye yok ke pusral Moses nu sin Tulik Nutin Israel meet liki elos akola in ilyak nuke fulan weleang su ma God El tu wulela ka nu sin mwet matu lalos in pal meet. Moses el akasmakinyalos, ke pal se elos a ilyak nu in fulan wuleang, su kalem mu fwal in mud a kasrup ke fohk in an we. Panang el akasmakinyalos ke oiyan kisa lalos nu sin God ke fukun ma elos a fwa kosrani we su takla kalem Verse 12 nuke 14. Moses el oayapa akasmakinyalos, elos in ngetla esam lupan kasru yok ma Leum God el oru nu selos ke elos met na puh tuku liki kohs in an Egypt. Moses el etu nunak lalos panang el akasmakinyalos ke ma inge, a akkeyelos Verse 15 akkalemye oiya kalem ma Leum God el akinsewowo yelos ka. Kena lal Moses ke Verse 16, tu elos in akos ma sap lun God nukewa oana kalem ke elos sramteyukyak fin eol Sainai (pal se elos eis masap), su Moses el kena tu elos in oaru in akos God ke insialos nofon, tu Leum God El fwa akfulatyalos liki na kutena mutunfal. Kas in in akkeye nu sesr ke fufasryesr lun tulik nutin Israel inge te ekla nu sesr ke fufasryesr lasr fin fal se inge, nuke finsrak paye se ma kut nukewa finsrak nuka…[FB Posting by Dcns. Havelyn Tosie]
00:0000:00

AIW026: Sifac - Fackack Luhlahlfongi by Surleigh Tara

May 27th, 2016

Alu In Wednesday online suc ma kolyuck sel Surleigh Tara

Sifac: Fahkack Luhlahlfongi
Mwe Read: Psalm 19:1-4, 14
00:0000:00

AIW025: Sifac - Tuhlihk Nuhtin Sukohsohk by Mina Kan

May 21st, 2016

All in Wednesday Online such kolyuck se Mina Kan

Wednesday May 17, 2016 Sifwa: Tulik Nuhtin Sukohsohk Galatia 3: 23 - 29 Sifwil kaksakin God ke moul wowo ma el sifwil ase nu sesr kais sie ke mutun week se inge a kowos nukewa. Paul El simis letter lal nu sin Church Galatia in folokon ma mwet su kohflah ke sripen mwe luti stuu. Ke kapun leta se lal inge, el tafwela in akyokye in fwak la lalalfongi mukena na mwe aksuwosye mwet u ye mutun God. Panang in mwe read se inge, El akkalemye la meet liki pal lun lalalfongi tuku, Ma Sap pa aki kut a karinginkut ne ke Christ el tuku na kut mwet u tufwa akinsewowo yeyuk ye mutun God ke lalalfongi. Oinge el fwak, ke sripen lalalfongi , kowos nukewa tulik nutin God ke kowos ma se fanna yurin Christ Jesus. Kowos baptaisla a nokomang tari moul lun Christ. Tu el kena kut nukewa in etu la kut nukewa ma sefanna yurin God ke lalalfongi su ma kut nukewa asr ka. Ma inge nukewa ma tuku wulela ma God El na tu wulela nu sel Abraham ka, a tutafme pac nu sesr tu kut in moul kin. Mwe lutlut wo a fallana in akkeye kut ke lalalfongi lasr ke Jesus Christ tu paye la Lalalfongi ke EN WEN pa kol kut nuke moul ma patpat...[FB Posting by Dcns Havelyn Tosie]
00:0000:00

AIW024: Sifac: Moulkin Puhsisacl by Lipan Welly

May 14th, 2016

Alu In Wednesday kolyuck sel Lipan Welly

Wednesday May11 2016
Sifac: Moulkin Puhsisacl
Mwe Read: Micah 6:6-8;7:18,19

Sifil paing kowos nuhkewa followers ke Kahs In Kol kewana Kosrae ac abroad. Mwe kahsruh se lasr nuh ke Wednesday inge fahk muh "Moulkin Puhsisacl," oasr in Micah 6:6-8, ac 7:18-19. Kuhsahl Micah, Mwet Pahluh, pa inge nuh sin Mwet Israel. Tukin elos ilyak nuh Fuhlan Wuleacng (Canaan), elos sifil fahsr liki ma luhngse luhn God. Ohinge, Leum God el sapkin Micah elan fahk nuh selos in esam molelah Lal ke fuhfahsryucsr lalos Acacia nuh Gilgal. Ke Mwet Israel inge long, elos auliyak ac siyuck lah mac Leum God El enenuh elos in oruh? Lah elos ac use cow fuhsr wo emeet in mwe kisac fihrihr nuh sel? Kuh Lah elos ac use puhs liki sie tausin sheep mokul? Lah God Elac enenuh in puhs liki singucul infacl in oil in olive? Kuh lah elos ac kisackin wounse natuhlos in moli koluk lalos? Ke Micah el lohng el tohpohkuhlos lah Leum God el fahk tari mac wo elos in fahsr kac. Elos in oruh ma suwohs, moulkin lungse pacl e nuhkewa, ac in inse puhsisacl yurin God. Ac wacngin sie god oana Leum God, suc yohklacna nuhnak muhnahs, luhngse, ac pahkotwen la. El futungyac ma koluk lalos nuh ye niacl, ac supwaclah nuh yen loallacna in meoa. Mwe kahsruh se inge sifil ahkesamakinye kuht ke fahk lal Samuel nuh sel Tokosrah Saul ke Saul el tiac ahkos ma God El sapkin nuh sel, suc oasr in I Samuel 15:22, Ahkos wo liki mwe kisac. Leum God El kena kuht in ahksol. Tuhsruhk, El puhsisaclacna in sifil eiskuht kuht fin auliyak pwaye ac fohlohk nuh yohrohl. Oacyacpac, kuht in esam lah wacngin mwe kisac (ma wacp) lasr El enenuh meyen kuht tiac sifil moul ke ma sap, ac ma nuhkewa ma Lal. El enenuh muhkena ahkosten lasr tuh Elan utyak nuh in kuht, tuh Ngun Lal in kol kuht nuh ke moul ma pahtpaht!

00:0000:00

AIW023: Sifac - Sifac: God Kuhlana by Lipan Welly

May 6th, 2016

All In Wednesday kolyuck sel Lipan Welly

Wednesday - 5/4/16 Sifwa: God Kuhlacna Sam 9: 1-4;7-10 Sifwil kaksakin God Fulatlana lasr ke mwe lutlut wowo ma sifwil sikyak ke pal u in akkeye kut ke lalalfongi lasr kais sie a sifiwil Kaksakin God ke asr lnmasrlosr pal e nukewa... Oana ke sifwa ke mwe luti u akkalemye u, God El God kuhlacna a El nien Wihkla a Lango lasr. Pusren Sam soko inge, kaksak a sang kulo lal David nu sin God ke nununku suwoswos Lal su David el tia tui in fwakak ke ma wolana nukewa su Leum God el oru in pal e nukewa. Motkoyuk pusren Sam soko inge mu simla ke el meun kutangla Phillistines. Oinge el fwak la Verse 3 an -"met lokoalok luk elos folokla ke pal ma kom sikyak; elos putatla a misa. Na panang el fwak oinge "Leum God, elos ete kom a fwa lalalfongi kom a Kom tia sisla kutena mwet su tuku nu sum. Saap kutu pal met kawuk ku met lasr - nunak lalos motke oru lasr tia ohi yorolos, a kutu pal kut motkoe mu kut oru nunak lasr ke lungse paye, tusruk kutena nunak ma kalem yorosr, God el nuna wulela ka, la Ela tia som liki kut, fototo nu yorosr pal nukewa ke pal wo ku pal koluk, EL oasr yorosr, a kut in sokol wi lalalfongi lasr tu God El God Kuhlana se su ase finsrak lasr nuke moul ma patpat [FB Posting by Dcns Havelin Tosie]

00:0000:00

AIW022: Sifac - Kahsreyuck ke Oaru Luhn God by Lipan Welly

April 29th, 2016

Wednesday April 27 2016
Alu in Wednesday online suc kolyuck sel Lipan Welly
Sifac: Kahsreyuck ke Oaru Luhn God
Mwe Read: Psalm 121

Sifil kaksakin God tuh pwaye El wo! Ac paing kowos nuhkewa, yohkna Mwet Luhlahlfongi wiasr Kosrae ac sahyac. Sifac se lasr nuh ke Wednesday inge pa "Kahsreyuck Ke Oaru Luhn God," oasr in Psalm 121. Meetah ke Mwet Israel inge ac som in alu Jerusalem, elos ac liye fineohl puhs raunellah acn we. Fin kuhtuh fineohl inge, tuloyak iwen alu puhs nuh sin god situhuh puhspuhs lalos. Mwet se simuhslah psalm soko inge, finne tiac kahlwem, el siyuck lah kahsruh lal tuhkuh oyac mwe? Yac sin god situhuh fin fineohl inge kuh sin Leum God, suc oraclah kuhsrao ac facluh? Ohinge, el fahk in ahkasmakinye Mwet Israel inge lah kahsruh lalos tuhkuh sin God muhkena. Ke karingyuck oaru Lal, El tiac motullac kuh folosuwoslah. El Mwet Liyaung oaru lalos. El oayacpac Mwe Lul se lalos tuh kalmwen fahk ac mahlwem uh in tiac unilosi. Ac Elac fah liyelosyang liki ma koluk nuhkewa. Ohine, Elac fah liyaung moul lalos ac ilyak ac illac lalos ke pacl elos ohruh alu lalos nuh Sel. Mwe luti se inge kahsreyuck in tiac ahlohloh lah kahsruh lasr tuhkuh oyac mwe. Ke oaru Lal, El tiac sa in multikihn ma koluk lasr, a El tuhpan kuht in sifacna akihlacnack moul tahfonglac lasr ac fohlohk nuh sel. Meyen El muhkena inkanek nuh ke moul! [FB Posting by LM Skipper Ittu]

00:0000:00

AIW021: Sifac: Kuhlacnglacna Luhn God by Lipan Welly

April 23rd, 2016

Alu In Wednesday kolyuck sel Lipan Welly

Wednesday April 20 2016
Sifac: Kuhlacnglacna Luhn God
Mwe Read: 2 Corinth 9:6-11

Kulo a sifwil kaksakin kulang yoklana ma God Papa El akinsewowoye kut ka. Lela kaksak a akfulat lasr in oasr oana ke kulang Lal ma el tia tui in kasrekut ka. Sifwa lasr akkalemye oinge " Kulanglana Luhn God" - ke kas se inge kulanglana kut ku in luma mu "sie kulang ma oan na a wangin saflaiya" su arlana fal me nuke pal u, la kulang u, tia ma enenu in tui, ma enenu in onkakinyuk pal e nukewa. Mwe luti u nga lalalfongi mu kut a readi a etu tari la mea oasr yorosr kais sie , ke oiyan asang lasr, ku kasru lasr nu sin mwet wiasr ku met tulan lasr ku wiasr. Mwe luti u, sikyak tukun a nikni ila lal Paul a Church Korint, tusruk ktu pal tok, tukin sram2 lal Paul tok el engankin misla ma kalem tari inmasrlolos, panang kena yok lal tu elos in akyokye a akpaye kasru a kulang lalos a tafwela oana ke ma elos oru tu in tia mwena sramsram ku mwenna sapkinyuk na elos oru, su Paul el kena tu elos in akyokye a akpaye nu sin met christian wialos su yok enenu. Panang el fwk in Verse 6 an " Mwet se su yukwiya fita puh ac fwa kosrani ma pu, a el su yukwiya pus a fwa kosrani ma pus. Mwe luti inge luti kut ke oiyan kasru ku asang lasr, kut in oru asang lasr ke nunak paye lasr a in tia ma ke sapkinyuk. Oana ke polo kas se fwak "patkakunla bread nom fin kof u a fwa patyak ke ktu pal" Ma sumusla u fwak "Kais sie mwet in sang fal nuke ma el sifwana sulala, tia ke inse toasr, tu God El lungse el su insewowo in sang. a God el ku in asot mwe insewowo, yok liki ma kowos enenu. Fwk in ma sumusla " El sang yok nu sin mwet enenu, Kulang lal on ma patpat. A God ela fwa akinsewowoye kom a akyokye liki ma fal. A kut in oru kasruyuk lasr ke inse paye, a tia srumun, meyen God el tia insewowo kin fin oingan, Tusruktu, insewowo nu selos su asang ke inse pwaye, a pulakin Kulanglana lun God ke mwe insewowo yorosr kais sie, tu kut in orekmakin in fal nuke kena lun God ma EL ke, kut kais sie in akyokye ka. Tarilana ke mwe luti wowo sifwil sikyak ke infulwen week u in likliki kut kais sie, ke orekmakinyan mwe kasrup ma God el ase nu sesr. [FB Posting by Dons. Havelyn Tosie]

00:0000:00

- Older Posts »