AIW020: Sifac: Luhngse Okak by LM Driskell Jack

April 16th, 2016

Wednesday April 13 2016 Kolyuck LM Driskell
Sifac: Luhngse Okak
Mwe Read: Psalm 119:41-48

Kulo nuh sin Leum God ke moul ac pacl wowo lasr nuhkewa! Sifac se lasr nuh ke Wednesday se inge fahk muh "Luhngse Okak," oasr in Psalm 119:41-48. Mwe kahsruh se inge sruhmuhn ke luhngse okak luhn God finne tuhlihk nahtuhl tuhnyena lahenuhl pwacnacng elos muhta in kapihr lalos Babylon. Ohinge, El fahk lah Elac fohlohkuhnlosmwe ac sang ma sap lal in ahksukohsohkyeloslac, a in tiac ahkkohyelos. Elac fah tohpohkuhlos suc kahskahs kohu kacl, ac fahk lal uh pwaye pacl se nuhkewa. Ke elos ac tohkohsra lalos liyacacng ma sap Lal, elos ac fah muhta in sukohsohk pwaye nwe tok. Leum God Elac fah tiac ahkmekinyaclos, a Elac fah ahkinsewowoyaclos. Luti kuht in oayacpac orekmakin luhngse okak kuh pwaye luhn Leum God, suc acse sukohsohklah lasr in tiac sifil muh kuht moullac ke karinginyen ma sap, a ke luhlahlfongi muhkena lasr ke Wen nahtuhl Jesus Christ. [FB Post by LM Skipper Ittu]

00:0000:00

AIW019: Luhlahlfongi Oan Na by LM Robinson Benjamin

April 8th, 2016

Alu In Wednesday Online kolyuck sel LM Robinson Benjamin
Sifac: Luhlahlfongi Oan Na
Mwe Read: Psalm 13

Paing kowos mwet wiasr ke luhlahlfongi Kosrae ac sahyen acn Kosrae! Sifac se lasr nuh ke Wednesday se inge fahk muh "Luhlahlfongi Oan Na," oasr in Psalm 13. Kuhsahl Tohkohsrah David pa inge. Motkweyuck muh el

Keep reading →

00:0000:00

AIW018: Kahs in Ahkkeyelah by Joyleen Steven

April 1st, 2016

Alu In Wednesday kolyuck sel Joyleen Steven

Sifac: Kahs in Ahkkeyelah
Mwe Read: Soakas 12:1, 2;13:16,17;16:22-24

Kal kulo ke pal uh, met liki nga tu fa oru fakak luck nuke alu lasr oyeku uh, nga lungse pain kowos nukewa such ma asr ke pal se inge ku nusin such ma a tu fa long ke me luti lasr oyeku uh. Met liki nga sifil fasr nu met uh, nga oapana kowos in sang kulo ma lulap nusin God, ke moul luk a ke kolyuk wo lal nusik ke asr pal se ma El pangonyu ngan ku in wi pa tafela kas mutal lal nusin mwet lal nukewa su muta yen loes a apkuran.

Keep reading →

00:0000:00

AIW017: Oaru Ac Tiac Sahngeng by Lucilla Soloman

March 25th, 2016

Alu In Wednesday suc kolyuck sel Lucilla S.Talley
Sifac: Oaru Ac Tiac Sahngeng
Mwe Read: Psalm 23

Leum God Fulatlana ac kuhlanglacna Elan kaksakinyuck ke lusen moul lasr; kaksakunul ke orekma ac fuhfasryucsr lasr misenge, lutu, ac nuh tok ma pahtpaht! Sifac se lasr ke Wednesday se inge fahk muh "Oaru Ac Tiac Sahngeng," oasr in Psalm 23. Kuhsahl Tokosra David ke Leum God, suc oacna sie Mwet Shepherd oaru. Ohinge, tuhlihk nuhtin Israel inge in tiac sahngeng ke fuhfahsryucsr lalos. David el sie Mwet Shepherd luhn pahpah tuhmal Jesse. El fahk lah sheep uh arulacna epacl nuh sin Mwet Shepherd lalos, yohk ke mwe mongo naclos, forfor lalos, ac karinginyaclos. Jesus sifacna El oacyacpac pahngpahng sie Mwet Shepherd wo. Ohinge, kuht sheep nahtuhl kuh mwet kuhlacnsap lal in tiac sahngeng, a kuht in ahksol ac lahlmwetmet in fahsr tohkohl pacl e nuhkewa. Ke kuht fahsr tohkol, kuht ac fah insewowo. Tuh El muhkena etuh acn ma oasr mah kuh infacl in ahkkiphyekuht we. Mwe kahsruh se inge luti kuht in fahsr tukin Jesus, Mwet Shepherd oaru sefana lasr, ac kuht in tiac sahngeng ke kuhtena ma. Moul lasr finne tuhlac ke sripen orekma Lal, kuht etuh kuht eis moul ma pahtpaht yorol! [FB Post by LM Skipper Ittu]

00:0000:00

AIW016: Keokkin Luhlahlfongi by LM Robert Kilafwasru

March 20th, 2016

Alu in Wednesday: Kolyuck sel LM Robert Kilafwasru
Sifac: Keokkin Luhlahlfongi
Mwe Read: 1 Peter 4:10-19

Kulo a Sifwil wi kowos in kaksakin kulang a akwuk wolana ma El ase nu sesr kais sie...Mwe luti lasr u oana ke kalem ke sifwa u " Keokkin Lulalfongi" Sie mwet lalalfongi enenu in keok ke kulansap lal oana ke Christ El keok ac misa in mano. Ke lungse lun God nu sesr mwet u, El ase me sang saok nu sesr kais sie, a kut in orekmakin in akwoye mwet ngiac, oana sie mwet tutafpo wo. Kut fin ekin mwet tutafpo wo, kut enenu in ku in luti ku fwakak ke Kas Lal. Kutena mwet su kulansap, elos enenu in oru ke kuh suc ma Leum God El sang nu selos. Kowos fin mwet lalalfongi ke Christ, kowos in tia lut ke mwe srike a mwe keok ma a sik nu suwos. A kowos in engankin mwe keok inge, ke sripen kowos ipeis ke keok lun Christ. Kutena suwos fin keok, lela in tia ma ke oiya koluk lun fwalu, a in ma ke kowos ekin mwet christian. Kowos in sang kulo nu sin God la kowos ekin Christ. Pal in nununku mutwaak tari, elos su ekin mwet lun God, elos a nununkweyuk elos meet. Ma sumusla u fwak, " upa na mwet wo se in moliyukla na a fuka nu sin met koluk se in moliyukla" 1 Pet 4:18 - Kut fin ekin mwet Christin se, kut in keok meyen pa inge ma lungse lun God, oana sikyak tari ke wen natul. " In Keokin lalalfongi - su pa inge kena lun God nu sesr, liki na in keok kin koluk lun fwalu.. [FB Post by Dcns. Havelyn Tosie]

00:0000:00

AIW015: Luhlahlfongi Yohklacna by Shanty Ron Asher

March 10th, 2016

Alu In Wednesday kolyuck sel Shanty Ron Asher

Wednesday March 9 2016

LULALFONGI YOKLANA
ISAIAH 55: 1-6

Meet liki kut ac mutawaak angenani fototo lasr u, ngac wikowos kewa in kaksakin moul luk ac sucu luk, ac ke pal na wowo se el sakunla ngan wikowos tukeni ke kas lal ke ao se nge. Pusren kaksak ke ma wolana na pus pa nga ku in fak ingena, nga lulalfongi mu pula lasr u oana sie panang ac pangen pusra fototo ngac orela meet liki nga oru akuteya fototo luk.

Keep reading →

00:0000:00

AIW014: God Nwe Tok Ma Pahtpaht by Nac Clara Alokoa

March 9th, 2016

Kolyuck Sel Clara Alonso Alokoa

Wednesday March 2 2016
Sifac: God Nwe Tok Ma Pahtpaht
Mwe Read: Isaiah 43:5-13

00:0000:00

AIW013: Fuhfahsryucsr Sac Wetoklac by Lucilla Solomon

February 27th, 2016

Alu In Wednesday - Lucilla S. Talley

Sifwil paing mwet wiasr, tumasr, ac natusr Kosrae ac sahyen acn Kosrae, yohk mwet wiasr in luhlahlfongi; Kaksakin God!!! Sifac se lasr ke Wednesday se inge fahk muh "Fuhfahsryucsr Sac Wetoklac," oasr in Deut.1:29-33; Moses el sruhmuhn ke wetoklac luhn Mwet Israel meet liki elos utyak nuh Fuhlan Wuhleacng kuh Canaan. Elos wetoklac ke sripen fahk luhn Mwet kalngeyuck ma som nuh Canaan ac fohlohk tuh sruhmuhn ke yohk, fokoko, ac kuh luhn mwet we. Ohinge, Mwet Israel inge arulana sahngeng, finne Joshua ac Caleb tu na kuh, ac Leum God El wuclelah kuhtanglah lalos fin Mwet Canaan inge. Moses el kafwelos in tiac sahngeng tuh Leum God Elac weluhlos oacna ke El ohruh ke fahsruh lalos Egypt mwe, suc kahlem ke sru in e se ke fong, ac sru in puhkuhnyeng se ke len. Kasrekut in tiac pac wetoklac ke fuhfahsryucsr kuh orekma Lal kuht kais sie kuhlacnsuhpuh. Tuh El wuhlelah pac in wi kuht pacl, len, ac acn nuhkewa. [FB Post by LM. Skipper Ittu]

00:0000:00

AIW012: Ahknwacsnwacs Ahsahfyeyukla by Victor Melander

February 18th, 2016

Alu In Wednesday Kolyuck sel: Victor Melander

Wednesday: 02/17/2016
Sifwa: Ahknwacsnwacs Ahksahfyeyukla
Book: Rom 3: 21-26

Kulo kaksakin sie pal wowo ma sifwil tuku nu sesr kais sie, ke mwe luti nu sesr len na len. Mwe luti u oana kalem ke sifwa an, "Ahknwacsnwacs Ahksahfyeyukla" - tu moul lun met Israel ku met jew in pal soh, oana ke ma sap lalos, elos orekmakin srahn kosro - tu in mwe aknwacsyelos nuke moul, oinge, tu ke Jesus Christ, ke sripen pakotwen yoklana Lun God nu sesr, El supama Wen saok se fanna natul, tu lan ase srahl in ela ma koluk lasr kais sie, tu moul lasr misa tari, tu ke sripen misa lun Leum Lasr, kut moul. Kalmekin tu wen nutin God el aksafyela aknasnas ke srahn kosro, A tu lalalfongi ke En Wen,a Ngun, kut in akyokye in kut tu kut fwa moul...

00:0000:00

AIW011: Ke Ma Nuhkewa, Kuloh by Victor Melander

February 12th, 2016

Kol Alu: Victor Melander

Wednesday February 10 2016
Sifac: Ke Ma Nuhkewa, Kuloh
Mwe Read: Ephesus 5:15-20

Sifwil paing kowos ke Inen Leum lasr Jesus Christ! Sifac se lasr nuh ke Wednesday se inge fahk muh "Ke Ma Nuhkewa, Kuloh," oasr in Ephesus 5:15-20. Kuhsahl Paul nuh sin Mwet Luhlahlfongi ke Church Ephesus pa inge. Elos in sang kulo ke ma nuhkewa nuh sin God. Elos in liyacung moul lalos tuh elos in lahlmwetmet ac oruh ma luhngse luhn God pacl ac len nuhkewa. Elos in nwacnwaclah ke Nguhn Muhtahl, ac tiac ke mwe sruhi kuh wain, Elos in kahskahs nuh sin sie sin sie ke psalm ac on muhtahl. Elos in oacyacpac onkackin psalm nuh sin Leum ac kaksakuhnuhl ke insiaclos nohfohn. Kahsrekuht in oacyacpac sang kuloh nuh sin God ke ma nuhkewa. Lah tuhkuh wo kuh koluk nuh sesr, kuht in lahlmwetmet in esam lah oasr sripac luhn God ke ma nuhkewa. Fahkack kulo lasr nuh sin God ke ma nuhkewa kahlwem yohk ke orekma kuh moul lasr! (LM Skipper Ittu)

00:0000:00

« Newer Posts - Older Posts »