KIKBIST014 - Exodus Part 4 by Surleigh Tara

April 17th, 2016

GoogleLogo420x132.png

Exodus - God El Aksukosokyela Mwet Lal

Exodus suc ma oasr sramsram na koanong, ke nunak toasr ac muhlahlah.  Book se inge oasr tahkihnyen ma sikyak, sramsram lwemlwem, ac oacpacpac ke ma sap.  Pa inge ma yok sikyak lun book se inge:

  • Muta in kohs, Moses, ac Leum God: Exodus 1-4

  • Tufoklac liki acn Egypt ac Karihnginyuck lun God: Exodus 12-17

  • Ma Sap Singucul (10) ac in toeni muta oiye: Exodus 19-24

  • Muta in Akwuck ac Kolyuck lun God: Exodus 32-34, 40

Fackohloh: Exodus

  1. Som Liki Acn Egypt (1:1 - 13:16)

  2. Fuhfasryucsr Nu Sinai (12:1 - 25:18)

  3. Oasri Lun Ma Sap Fin Acn Sinai (19:1 - 31:18)

  4. Srahngesr Long Kahs Lun Israel (32:1 - 34:35)

  5. Muhsaheyucklac Lun Lohm Nuknuk Mutal (35:1 - 40:38)

Book se inge Exodus uh oasr ip yohk luo (2) kac: Exodus 1-19 sramsram kin molelah lun God nusin mwet Israel liki acn Egypt ac El usaclos me nu finol Sinai.  Sramsram soko inge ikacslah ke mutawauk in moul lal Moses suc ma God El sikyang nusel, ac pang lun God nusel (Exod. 1-7).  Tokoh na pa amaci inmasrlol Moses ac Pharo suc ma sikyak ke Mwe Ongaiyac Lulap 10 ne pa elos tufoklac liki acn Egypt ac fahla sahslah ke Meoa Srusra (Exod. 7-15).  Tohkoh na pa elos som nu yen mesis, su ma elos pulakin ma upac nuke lisr lun mwe mongo ac mwe nihm, tusruk Leum God El karuhnguhnolos in sang enenu lalos nekena elos sun finol Sinai (Exod. 16-19).

Exodus 20-40 tahkuhnlah akwucki lun wuhleang lun God nusin mwet Israel ke elos srak muta Sinai.  Na ip se inge mutawauk ke Ma Sap Singucul (10) weacng ma sap srihsrihk nusin mwet Israel (Exod. 20-24). Inkaiyen chapters ekasr inge akkuteyac muhsaelah lun Lohm Nuknuk Mutal ac akfasryeyacn mwe sap lun Leum God in fal nuke akwuck Lal (Exod. 25-31, 35-40).  Oasr ip luo ke srumunyacn kasrkuhsrak lun God in sensenkin Lohm Nuknuk Mutal suc mutawauk ke oraclah lun cow mukul soko ma elos lotellah in sunakin Leum God Fulatlana ac mwet kulansap Lal, suc pa Moses (Exod. 32-34)

I. Nunku Ma Sikyak Ke Exodus: Ku Oasr God Se?

Pacl puspus ke moul luk uh, nga ku in akilen mukuikui lun God suc ma wangin ahlohloh kac. Kahs lun God akyohkye kalmeyacn akwuck ac kolyuck Lal pacnang prue lun sie sin sie akfasryeyuck pacl e nukewa.  Akfulat uh ase mwe engan ke nga in wi motko ke karihngin lun God nuke ma nga oasr kac.  Oasr na pacl nga arulana puhla mu God El tu na siskuck pacnacng oana in tia yohk elyah luk.  Tusruk oasr pac pacl nga puhla muh oana God El loeslac liki ma nga oasr kac uh.  Ke pacl ma inge uh e sikyak oana pac in wangin usren Kahs ke Bible uh. Paye na paye lah nga enenu in siyuck ke prue lowos an tuh nga in kafweyuc in fototo na yorol in sang akfulat luk nu Sel.  Efuh kuh oasr pacl oana God El arulana loesla liki kut?

Kut fin loang nuke moul lun tulik nutin Israel, kut e ku in arulana kupasri moul lalos nusin God nuke moul se suc ma kut oasr pac kac in pacl inge.  Chapter ekasr ma ikaslah book lun Exodus akkalemye wulela lun God nusel Abraham ac tulik puspus natul suc ma El akfasryellah - nusin mutunfahl se ma kapack yohklana oru sang mwe fosrnga yohk nusel Pharo.  Ke sripac se inge Pharo el sruohkolosi in mwet kohs ke sripen sangen lal (1:8-14). Ke elos muta in kohs inge, oasr kisen siyuck lalos ke wulelah lun God.  Saap elos nunku la efu ku God Elan arulana loeslac lukelos ac lelah mwe kohs inge in sikyak nuselos.  Efuh ku God Elan akpuhsyelos elos in tuh muta in kohs nuke pacnacna in Pharo elan uniyac awowo suc ma isusla in pacl se inge (1:22)? Ku ngac God El ac fwa aksukosokyeloslac uh?

[End of Session 1 3/23/2016]

Fil nuke fil siklac meet liki God El loangellah Moses ac tuhfahl-lah in loom sel Pharo sifanna. Na Moses el kahenglac liki acn Egypt and tahkuhsrkusr fin acn Midian ne pac God El siklach nusel in luman sie e tuku ke infulwen sak soko. El mwet kol lun tulik nutin Israel suc ma el akfasrye mwenmen puspus suc use kohs nu fin acn Egypt ne kacna in oraclihk lun Meoa Srusra, tulik nutin Israel elos in fahlac sahslah kac. God El kohlohlos yen mesis ke sru in puhkuhyeng se ke len ac sru in e se ke fong. Pusren God El oana puhlahl uh, mutal lun God akfisracsrye sangeng lalos in sunakin God Kulana. Ke sripen elos tulik nutin God, El sapkin nuselos in musahelah sie loom nuknuk suc ma akilenye acn ma God El oasr we, nekacna pa kalem ke foko nuke foko yac tok pa ke temple lun acn Jerusalem. Oasr lun God inmasrolos oru elos arulana fwefelah ke ma sikyak ye mutalos.

Ne puslac lung kulang elos pula ke sripen God El welulos, tulik nutin Israel elos mulkuhnlah fototo lun God nuselos ac karingyuck wowo suc elos pulakin.  Elos liye kihsrucngsrungyang lun solse Egypt ke elos apkuran nuke Meoa Srusra, yohk tohrkahskahs lalos nusel Moses. Elos siyuck la efu kuh Moses el usaclos me liki acn Egypt elos in tuh misac yen mesis uh (14:11-12). Tukin elos fufasryucsr len tolu, wangin kof ac mwe mongo naclos fasr in lisr, elos mutawauk pac in sifwil tohrkahskahs na yohk (15:22; 16:3). Na tukin Moses el som len 40 ac fong 40 finol Sinai in eis Ma Sap sin God Kulana, elos lumahlah ac akfulat nusin cow mukul soko (32:1-6).  Pa inge mwe akul se omeet ke keok and fohsack lun tulik nutin Israel ke sripen elos pangon mu God El some lukelos.

Tusurktuh tulik nutin Israel elos arulana ahlohloh ke oasr lun God inmasrlolos suc ma akkalemyeyuck ke book lun Exodus.  Kut wi akilen ke loangweyuck ac fosrngakinyen enenu lalos sin God meyen pa inge sramsram ke moul lalos uh: God El fototo nuselos pacl e nukewa. Oasr ac karihngihnyuck Lal tia na wanginlac finne yohk ahlohloh lalos ke ma inge.  Kut kalem pac ke elyac na yohk ke awowo suc ma in uniyucki tusruk God El sang nunak wowo nusin mutan in akisus inge suk oiye in moleloslac (1:20). God El long mwet puspus sasaolana ac wowoyak in siyuck ke kasru ke pacl in kohs lalos, El oacyapac esam Wulela Lal, na El akilen ma inge in kasrelos ke pacl upac nuslelos (2:23-25).

Ac fukah nusesr misenge?  Mea kut ku in tu fac in kasre kut ke pacl se ma kut pangon mu God El arulana loelac liki kut?  Kut enenu in kalem kac lac oasr lun God inmasrlosr uh akpayeyucklac ke tuku lun Wen sefanna nutin God. Gospel lal John akkalemye lac, "Kas el ekla mwet ac muta inmasrlosr." Kalmeyacn kas Greek se orekmakinyuck nuke "muta" inge pa "in tulohkohnack loom nest" se. Ke sripen Leum Jesus, kut akfototoyeyuckla nu yurin God - in tia oana loom nuknuk (tabernacle) se a El oasr in mano pa kalem ke Ngun Mutal muta in kais sie.  Na in pacl inge, kut in tia suk ke sru in puhkuhnyeng kuh e, ac ke sripen Ngun Mutal suc muta in mwet Christian se pa akfahsrye oasr lun God Kulana nu in sie sin sie.  Tusruktuh, oasr pacl kut ku in tia kalem ke ma inge ke sripen moul in mano lasr uh. John el fwak ke ararama se lal ke kasrao ac facluh sasu se, suc ma el oayacpac akkalemye lac ma nukewa e aksasuyeyuckla, ac pusra lulap se tuku ke throne in fwak, "Inge, Lohm sin God oan yurin mwet uh! El ac muta yorolos, ac elos fah mwet lal" (Fwackyuck 21:3).  

[Session 2: Exodus Study continue]

II. Efu Nga In Suk In Etu Ke Exodus?

Pacl lun Exodus ah - fin srike in konauk na lac ngac ma inge sikyak - tiana ma fihsracsr se.  Tusruk, sramsram ac etauk ke God kut ku in fwak muh ma inge tuku ke sie na kain kuh kuh lahlmwetmwet.  Kut fin readi Exodus 6: 6-8, suc ma God El fackohlohiyac ma El oracllah nusin mwet Israel ac sang nuselos in etauk ke kuhpahsr lalos nusin Leum God: Ouinge fahk nu sin mwet Israel lah nga fahk mu:

    "Nga pa Leum God. Nga fah tulekowosla ac aksukosokyekowos liki moul     in kohs lowos yurin mwet     Egypt. Nga fah asroela po kulana luk in use     kaiyuk upa nu faclos, ac nga fah molikowosla. 7Nga fah     oru tu komwos in mwet luk sifacna, ac nga fah God lowos.  Kowos fah etu lah nga pa Leum God     lowos ke pacl se nga ac aksukosokye kowos liki moul in kohs lowos in sel Abraham, Isaac, ac Jacob.      Ac nga ac sot nu suwos tuh in facl suwos. Nga Leum God."

Ke Exodus, God mukena pa kuh in sang sukohsohk liki sroh-oh.  Fin tia ke kasru lun God, elos ac koflana in aksukosokyeloslac sifana.  Leum God sifana fwak, "fuhlela mwet luk in som".  Tusruk God El ac tia moleloslac mukena, ac El ac tufwa akkalemye in eteyuck lac suc El uh: El fwak na fwak lac, "Nga Pa Leum God." meyen El ke mwetu in etu lac suc El uh.  God El sifana fwak elos in kalem kac lah El pa Leum God ac mwet Israel elos mwet Lal (Exod.5:1) ac El ac fwa usacloslac nu in facl se ma El wuleang kac (Exod. 6:8).

In kol mwet Lal, God El akkalemye lah alu nusin ma srolacla uh tia ku in sikyak - meyen God El tia ku in aolyuckla ke ma mwetu oracllah.  God lun Israel, Leum God, El tiana oana kain in god sahyac fin acn Egypt, suc ma oana sie kain in akfulat kuh in orek nu Sel (Exod. 25: 21-22). Tusruk God El oayacpac etu lah puhs ma mwet Israel tiana etu kac lac su El uh, pacnacng El sang Ma Sap in pa mwe akwuck ac kolyuck nuselos (Exod. 19:5; 20:20).

Ma se yohk sripac uh pa, Ma Sap uh mukena tia fal.  Elos enenu na in kais sie sin sie in sifana suk in fototo nu yurin Leum God. (Exod. 40:36-38) ac kalem kac la El mukena pa God Kulana se (Exod. 12:12).  El pa God suc suk mwet Lal, tusruk tuh elos - kuh kuht mwet uh - pa enenu in sifana sulaclah in fasr tukin Leum God.

Sramsram ke Exodus sikyak ke eklac lun pacl in akkalemye akwuck lun God suc ase molelah nusin mwet Israel. Wuleang Matu ac Fusr akkalemye sripac lun exodus (motif) nuke kalmeyacn moul in pacl inge ac in sifwil oakiyac pac akwuck lun Leum God in ase molellah nusesr mwet uh.

Koanon Wuleacng Matu, pus sramsramkinyen exodus in akasmakinye mwet Israel ke ku lun Leum God in moleloslac (Judg 6:7-9; 1 Sam 12:6-8; 1 Tok 8:16; Dan 9:15-16).  Mwet Sap elos orekmakin sripac lun exodus (motif) in sramsramkin loangeyuck suc e fwa tuku nuke pacl upac suc elos pulakin.  In oana ke Isaiah el esamack ke sikyak lun exodus in sang lulalfongi ke kolyuck ac kuh lun God nusin mwet Israel (Isa 43:1-11; 48:20-22).  El akilen exodus sasu se, ke pacl se God El ac fwa oracni mwet lal suc fwasrelihk nu yen nukewa (Isa 51:9-11; 56:7-8). Jeremiah el fwak lah sukohsohkla se inge akkuteyac pac ke exodus, ke pacl se mwet Israel elos e fwa pac muta in kohs na fwa sukohsohklah (Jer 7:21-34; 34:12-22).  El oacyacpac akilen lac e oasr sie pacl ke sukohsohklah e fwa mwe lutlut nuke exodus sasu ac nuke folok lalos nu in acn selos (Jer 16:10-21).  Hosea el fahkack pac ke fohlohkohnlah lun exodus lac ma e supacl mwet Israel in sroh-uh inpoun mwet Assyria, tusruk el akkalemye pac wulelah se mu elos e fwa sukohsohklah (Hos 11:1-11) - sukohsohklah se inge srumunyuck pac sel Micah (Mic 7:15-20) ac Zechariah (Zech 10:10-12).

Nofonna ma srumunyuck inge ngwesyuck nuke sramsram ke molellah ke tuku lun Leum Jesus.  Kut enenu in kalem kac lac Leum God pa ase sukohkohk nusin mwet uh, suc ma e fwa loangwe kut lac liki ma koluk ac keok - liki kohs in ngun ac mano - in orahllah kuhpahsr lasr nu Sel. Kut fin luhma nuke petsa mukuikui se, El pa us sifen sramsram soko inge.  Ke oinge uh, Pweng Wo se inge kalweni na in sramsram kin Leum Jesus lac El pa Moses sasu se ac Israel sasu se; elos oacypac sulkakin lac ma Sasu se sikyak inge yohk liki na exodus ke sripen ma El akfasryelah (liye Matt 1:21-2:23; 4:1-11; 5:1-7:29; 17:1-13).  Na book lun Hebrews oacyacpa oracllah kupasr se nuke exodus, suc ma akkalemye lac Jesus El akilenyuck lac El yohk sripac lukel Moses (Heb 3:1-11).  Exodus sasu se inge ma kolyuck sin Leum Jesus, in oana exodus se meet ah, suc ma akkalemye sukohsohklac lalos in sroh-uh; elos suc ma muta in kohs lun ma koluk ac tufwa aksukohsohyeyuck ac oacyacpac pangpang tulik nutin God in Tokosrai Wolana Lal (Rom 6-8).

Exodus uh ma sikyak nuke eklac lun pacl.  Ma na akwucki sin God kut mwet uh mouliyuck ke Sran Leum Jesus Christ.  Na ma kunasr pa in orekmakin ma sikyak nusesr in sang kasru sie sin sie ac nuselos suc muta in losr lun faclu in wi etu ke molellah lun God nusesr mwet uh.  Tukin kut aksukohsohkyeyuckla uh, ma kunasr pa in tahfwelah pa nuselos in wi ipeis ke sukohsohklah se inge ke sripen yohklana lungse lun God nuser kais sie.  

[Session 3: Exodus Study continue]

III. Kuh Exodus E Ekullah Fuka Moul Lom Uh?

Pacl meet ah ne misenge, book lun Exodus pa esamyuck yohk ke sramsram in sukohsohk ac moul upac.  Mwe eskmakin ke yac nukewa ke akfulatyeyacn Kufen Alukela se week na fon se, suc ma mwet Christian uh, akilen ke akfulatyeyacn Easter.  Kut ku kupasri kisekinyen lamb ke Kufen Alukela nuke misa ac moulyak lun Leum Jesus in akkalemye ma suc sikyak na pa fasru ne kac akfulatyeyacn Easter ke yac nukewa.  Ac oacyacpa akilenyen sukohsohk ke ngun suc ma God El akfasrye nusin mwet Lal liki keok lun ma koluk ac tahfonglac ke moul lun sie sin sie - sukohsohklah se inge akilenyuck yohk na ke moul in Leum Jesus suc akfasryeyuck ke ku lun Ngun Mutal.

Ke Ngun Mutal ilyak in muta in kais sie mwet Christian misenge, suc oacpacna ke Leum God (YHWH) El in masrlon mwet Israel.  Leum God El tia aksukohsohkyeloslac muken a, El muta yohrohlos.  El oacyacpa sang ma elos in fasr kac pa kalem kac Tuptup in Wuleang, suc ma sang akul se nuke ilyak lun Leum God nu yorolos (Exod. 25:10-22). Leum God El fwak:

    "Nga ac fah osun nu sum ke acn se inmasrlon cherub luo ah ma muta lucng liki mwe afyuf sac, na liki     acn se ingan nga ac fah sot nu sum ma sap nukewa luk nu sin mwet Israel" (Exod. 25:22).

Nusin mwet Israel, mukuikui se ma oracllah Tuptup in Wuleacng, sang akul se la Leum God (YHWH) El sulaclah in ilyak nu yurin mwet Lal, suc ac tufac mwe esmakin nuke yac puspus suc ma e fah tuku.  Tuptup se inge e fah kohlohlos ac usaclos ke pacl in meun; pacl in akfulat, elos ac fah som nuke tuptup se inge in oru akfulat lalos.  Osun lalos nusin Leum God uh sikyak e ke tuptup se inge.  God El ac fah kalweni in sang sukohsohk nusin mwet Lal - El pa Mwet Lango.  Elos in tia sukohsohklac mukena liki moul upac, ac elos in eis sukohsohk in moul kin wolana lun God pa sripen sramsram se ke Exodus uh.

Mwe lutlut ke Exodus inge orekmakinyuck ke pacl loeloes in moul lun kain mwet pukanten, in akkuteyac sukohsohkla liki sroh-uh ac moul upac lun mwet fin faclu, suc ma sikyak ke moul lun mwet Merike sifanna.  Sripac se inge ac sukyacn sukohsohk lah sin God ase inse mislac ac in mongfisrasr nusin mwet puspus elos in insacnweack ke moul in keok ac upac ma elos oasr kac.

Exodus se inge arulana suwoswos in akkalemye sukohsohklah ke moul in ngun ac mano suc tuku sin God lun Israel, Leum God (YHWH) - fahkack se ma kut in inse mislac kac.

Mwe Siyuck:

  1. Na kut fin motko chapters 15 omeet ke Exodus sramsramkin na yohk kuh suc ma God El sang nusel Moses in akfasrye akwuck Lal lacyacnuh. Na lacyacnah, Pharaoh el sifac pacna us etu ac kuh lal sifacna. Kut fin motko ip se inge, kut in sifacna siyuck lah, piac kac mwet ma moul lalos oana moul lal Moses suc ma kut ku in eis etacuk lasr in wi pulakin moul mislac ac insewowo? Na suc ku piac pac ma suc ma oana Pharaoh in moul lasr uh - elos kuh kutena kain ma sikyak suc ma kosracllac moul in lulalfongi ma e pwacnma wolana ac mwe insewowo? Meah kut enenu in oru nuke moul lasr in muh oana Moses ac in kahingkihn in tia fototo nuke moul in Pharaoh ku ma suc e kosracllah mwe insewowo?

Bible Verses:

Exodus 1:8-14

8 Na oasr tokosra sasu se mutawauk in leumi acn Egypt, su tia etal Joseph. 9El fahk nu sin mwet lal, "Mwet Israel inge arulana puseni ac kui. Nga luman sensen elos ac mau kupasryang nu sin mwet lokoalok lasr ac lain kut, ac elos ac ku in kaingla liki mutunfacl sesr. Kut enenu in akngusrikya suk sie inkanek in taranulos in tia puseni." 11 Ouinge mwewt Egypt sang kutu mwet kol lalos sifacna in akupayela orekma lalos.  Mwet Israel inge pa musaela siti Pithom ac Rameses - siti lulap inge kalklayak tuh in acn in karingin mongo ac kufwa nukewa nu sin tokosra. 12 Tusruktu finne yokelik mwe keok ma mwet Egypt sang aktoasrye mwet Israel kac, a pisen mwet Israel puseni liki meet ac osralik fin acn uh.  Mwet Egypt mutawauk in sangeng sin mwet Israel, 13 oru elos aktoasryela orekma lalos.  14 Elos akoremayalos in orek brick mwe musa, oayapa kain in orekma nukewa inima uh ac oru arulana upa nuselos.

Exodus 1:22

22 Na tokosra el sapelik nu sin mwet lal nukewa, "Tulik mukul Hebrew nukewa ma isusla, kowos sisla nu Infacl Nile, ac lela tulik mutan uh in moul."

Exodus 3:14

14 God El fah, "Nga Nuna Nga Ah Na. Kom fah fahk nu selos, El su pangpang Nga, pa supweyume nu yuruwos.

Exodus 6:6-8

6 Ouinge fahk nu sin mwet Israel lah nga fahk mu:  "Nga pa Leum God. Nga fah tulekowosla ac aksukosokyekowos liki moul in kohs lowos yurin mwet Egypt. Nga fah asroela po kulana luk in use kaiyuk upa nu faclos, ac nga fah molikowosla. 7Nga fah oru tu komwos in mwet luk sifacna, ac nga fah God lowos.  Kowos fah etu lah nga pa Leum God lowos ke pacl se nga ac aksukosokye kowos liki moul in kohs lowos in Egypt. 8Nga ac fah us kowos nu in sie facl su nga orek wulela ku kac in sang nu sel Abraham, Isaac, ac Jacob.  Ac nga ac sot nu suwos tuh in facl suwos. Nga Leum God."

Exodus 33:19

19 Leum God El topuk, "Nga ac oru tuh wolana luk nukewa in fasr ye motom, ac nga fah fahkak Ine lukma luk yen kom oasr we. Nga pa Leum God, ac nga fah fahkak kulang ac pakoten nu selos suc nga sulela in oru nu se"

00:0000:00

KIKBIST013 - Exodus Part 3 by Surleigh Tara

April 8th, 2016

GoogleLogo420x132.png

Exodus - God El Aksukosokyela Mwet Lal

Exodus suc ma oasr sramsram na koanong, ke nunak toasr ac muhlahlah.  Book se inge oasr tahkihnyen ma sikyak, sramsram lwemlwem, ac oacpacpac ke ma sap.  Pa inge ma yok sikyak lun book se inge:

  • Muta in kohs, Moses, ac Leum God: Exodus 1-4

  • Tufoklac liki acn Egypt ac Karihnginyuck lun God: Exodus 12-17

  • Ma Sap Singucul (10) ac in toeni muta oiye: Exodus 19-24

  • Muta in Akwuck ac Kolyuck lun God: Exodus 32-34, 40


Keep reading →

00:0000:00

KIKBIST012: Exodus Part 2 by Surleigh Tara

April 1st, 2016

GoogleLogo420x132.png

Exodus - God El Aksukosokyela Mwet Lal

I. Nunku Ma Sikyak Ke Exodus: Ku Oasr God Se?

Pacl puspus ke moul luk uh, nga ku in akilen mukuikui lun God suc ma wangin ahlohloh kac. Kahs lun God akyohkye kalmeyacn akwuck ac kolyuck Lal pacnang prue lun sie sin sie akfasryeyuck pacl e nukewa.  Akfulat uh ase mwe engan ke nga in wi motko ke karihngin lun God nuke ma nga oasr kac.  Oasr na pacl nga arulana puhla mu God El tu na siskuck pacnacng oana in tia yohk elyah luk.  Tusruk oasr pac pacl nga puhla muh oana God El loeslac liki ma nga oasr kac uh.  Ke pacl ma inge uh e sikyak oana pac in wangin usren Kahs ke Bible uh. Paye na paye lah nga enenu in siyuck ke prue lowos an tuh nga in kafweyuc in fototo na yorol in sang akfulat luk nu Sel.  Efuh kuh oasr pacl oana God El arulana loesla liki kut?


Keep reading →

00:0000:00

KIKBIST011: Exodus Intro by Surleigh Tara

March 25th, 2016

GoogleLogo420x132.png

Exodus - God El Aksukosokyela Mwet Lal

Exodus suc ma oasr sramsram na koanong, ke nunak toasr ac muhlahlah.  Book se inge oasr tahkihnyen ma sikyak, sramsram lwemlwem, ac oacpacpac ke ma sap.  Pa inge ma yok sikyak lun book se inge:

  • Muta in kohs, Moses, ac Leum God: Exodus 1-4

  • Tufoklac liki acn Egypt ac Karihnginyuck lun God: Exodus 12-17

  • Ma Sap Singucul (10) ac in toeni muta oiye: Exodus 19-24

  • Muta in Akwuck ac Kolyuck lun God: Exodus 32-34, 40

Keep reading →

00:0000:00

KIKBIST010: Geneis Part 7 by Lipan Welly

March 20th, 2016

Genesis Study Part 7
Kolyuck sel Lipan Welly

00:0000:00

KIKBIST009: Geneis Part 6 by Lipan Welly

March 11th, 2016

Genesis Bible Study kolyuck sel Lipan Welly

00:0000:00

KIKBIST008: Genesis Part 5 by Lipan Welly

March 9th, 2016

Genesis Study kolyuck sel Lipan Welly

00:0000:00

KIKBIST007: Kahs In Luti Part 4 by Lipan Welly

February 27th, 2016

Bible Study by Lipan Welly
Genesis Bible Study 4 - Chapters 15 -17.

00:0000:00

KIKBIST006: Genesis Part 3 by Lipan Welly

February 18th, 2016

Bible Study Kolyuck sel Lipan Welly

Genesis 14-15

00:0000:00

KIKBIST005: Genesis Part 2 by Lipan Welly

February 12th, 2016

Lipan Welly
Genesis Study Part 2

00:0000:00

« Newer Posts - Older Posts »