Episode 007: Nga Fwa Nget Nusin Leum God (KSA)

July 23rd, 2015

Sifwac Nuke Saturday July 25, 2015
Nga Fwa Nget Nuh Sin Leum God
Mwe Read: Micah 7:7-11

Nga in wi pac sang kulo nusin God ke moul lasr kewa. Yohk lulalfongi luk la mwe lutlut inge tuku nu sesr fwal nuke pacl uh ac nuke ma kuht oasr kac in len inge.  

Kuht efin loang nuke Book se suc ma inen Mwet Pahluh Micah oasr kac, oasr chapter 7 nofon kac. Na ip tolu se pa ke book se inge. Ip se met an pa Mwe Srike Nusin Israel ac Judah.  Ip se ak luo an pac Mwe Srike nusin mwet kol lun Israel and Judah.  Na ip se ak tolu an pa, mwe srike nusin mwet fin acn Israel ac Judah.  Na chapter sahflah se inge sramsram kihn mongfisrasr ac nunak lun God.  

Na kunonkon nuke len Saturday, pa oasr ke Chapter 7: verses 7-11.  Ke sripen moul fohkfohk ac srahngesr long kahs lun tulik nutin Israel God El use mwet pahluch Micah in tafwella nuselos lah wulelah lun God uh e tufwa tu na kuh.  Elos e tufwa putatyang nuke moul upe lun facluh ke sripen God El ngetlah lukelos, tusruk a tufwa wangin ma e siyak nusin mwet panluh se lun God inge.  

Elos in tia ngetnget in niankusri mwet pacluh se lun God inge, meyen finne oasr pa upac and keok el (Micah) pulakin, ma inge e tufwa tia oan paht.  Efin elos akilen ma koluk lun mwet, siyuck nunak munas sin God ke ma inge, God El a tufwa langeloslah liki ma koluk ma e puhtati nu faclos.  

Mwet koluk in pacl soh elos lungse isrun ma wowo uh.  E tia eklac pacna nu sesr misenge.  Kut motko nuke moul lasr uh lac mwe israsr se nusin mwetu efin kuht oru ma wo nusin sie sin sie.  Kut fin loang nuke mwet Christian misenge lah, yohk srunga lun mwet saye ke sripen mwet Christian uh srike in fwasr ke ma suwos.  Pa nuke same sex marriage lah puhs na paye mwet akkeye ac fulelah in fasr. Elos liye mwet Christian uh muh mwet koluk ke sripen mwet Christian uh srike in oru ma suwos.

Paye lah lungse uh pa yohk omeet ke Wuleang Sasu uh.  Kuht enenu in lungse sie sin sie tusruk tia kalmeyac pa kuht in akkeye ma koluk mwet sayac moul kin.  Mwet Christian uh enenu in etu ac oacyacpac tu kuh ke Kahs Lun God.  In oana ke Micah el tafuh pusren God nusin tulik nutin Israel in forla liki moul fohkfohk lalos. 

Efin ne upac moul lun mwet Christian se tusruk, kuht enenu in esam lah, wulelah lun God uh pa El efwa langoekuhtlac liki ma koluk upac ac oacyacpac God El efwa use mwe insewowo yohk in loangwetkuhtlac like ma upe.  Kuht in moul kihn LUNGSE ac oayacpac in tu kuh ke Kahs Lun God.
00:0000:00