Episode 009 God El Som Liki Acn Shiloh (KSA)

August 2nd, 2015

Saturday, August 8, 2015
Sifac: God El Som Liki Acn Shiloh
Mwe Read: Psalm 78: 56-62
Nga in wi pac sang kulo nusin God ke moul lasr kewa. Yohk lulalfongi luk la mwe lutlut inge tuku nu sesr fwal nuke pacl uh ac nuke ma kuht oasr kac in len inge.
Psalm soko inge ma simla sel Asaph. Ine se inge ‘Asaph’ oacpacna in King David kuh met sim lal King David. Pulan pacl se inge, tulik nutin Israel elos ilyak tari nu in acn Canaan tukin elos fufasryusr in acn mesis yac 40.  God El wulelah nusin fil nuke fil lun mwet Israel muh sie pacl elos e tufwa pulakin kosracni ac muht in ac Canaan..  Na ip se ke mwe read se inge akkalemye lah tulik nutin Israel elos in wi luti ke se akosten ac ma koluk lun papa mahtu tuhmalos nuke ma sap lun God.  
Mukuikui lalos akkasrkuhsrakye ke God Fulatlana meyen elos forla liki akwuck lun God.  Elos alu nuke ma sruhlaclah, tia akos ma sap Lal, sesuwos in muikui lalos oacna papa matu tumalos.  Ke sripac se inge, elos mukuikui tuh oana sukan pisr soko ma kihfuclyuck tuh wangin usrac.  Se akosten lalos inge oru Wolana Lun God som liki loom ness in alu (Tabenacle). Lun loom ness in alu lalos pac oasr Tuptup in Wuleang loac. Yohk kuh ke Tuptup in Wuleang se inge ke sripen Wolana lun God suc ma oasr kac. In pulan pacl se inge, loom in alu lalos uh oasr fin acn Shiloh suc ma oan in acn lun sruf lal Ephraim. 
In pacl in meun uh, tulik nutin Israel inge us Tuptup lun Wuleang in use kutangla nufin mwet elos meuni.  Ke sripen God El som liki Tuptup in Wulean se inge, elos meun lain solse Philistia te elos acnwucki ac sruokyucki Tuptup lun Wuleang ac utucklac nu Philistia (1 Sam 4: 19). 
Mwe lutlut se inge tuhkuh nusesr misenge in luti ke Lungse ac Kasrkuhsrak Lun God nusin mwet Lal. Kuht in wi kalem kac lac God El tia som liki mwet Lal nekena kuht forlah liki Kolyuck ac Akwuck Lal. Kalmeya pa, kuht sang ma sayac in pa fasr met liki akwuck lun God. Saap kuht fwasr wi alu pacl nukewa ac pangon muh kuht akos ma sap lun God kewa, tusruk insiasr ac nunak lasr loeslac liki ma lungse lun God. Ma inge kewa use kasrkuhsrak lun God ke sripen Isaiah 29:13 “ Mwet inge fahk mu elos alu nusik ac kahs lalos wangin kalmeya, ac insiaclos loeslac likiyu. Wangin sripen alu lalos-elos fahsrna ke ma sap ac oakwuck ma orekla sin mwet, ma elos kaliya mukena.” Kuht sisla ao 30 ke week se ke ma lun faluc and ao se luo ke lun loom alu ac, ma paye lac oru inge akkalemye akfulat kuh lungse lasr nusin God uh?
00:0000:00